Bakıda məktəb direktoru faciəli şəkildə ölüb.

Yasamal rayon Polis İdarəsindən xezerxeber.az-a verilən məlumata görə, hadisə İnşaatçılar prospekti,33A ünvanında qeydə alınıb. Bakı şəhər sakini, 1968-ci il təvəllüdlü Polad Hüsnü oğlu Əjdərov yıxılaraq ölüb.

Polisdən bildirilib ki, P. Əjdərov məktəb direktoru olub.

 

*****************************************************************

Bakıda məktəb direktorunun faciəli ölümünün təfərrüatları məlum olub.

Hadisə aprelin 22-də axşam saatlarında İnşaatçılar prospekti, 33 a ünvanında baş verib.

Bakı şəhər sakini, 1968-ci il təvəllüdlü Polad Hüsnü oğlu Əjdərov həmin ünvanda yerləşən binanın 6-cı mərtəbəsindəki mənzilinin pəncərəsindən yıxılaraq ölüb. Məlumata görə, P.Əjdərov mənzilin pəncərəsindəki toru təmir etmək istəyib. Həmin vaxt müvazinətini itirən P.Əjdərov pəncərədən yıxılıb və hadisə yerində dünyasını dəyişib.

P.Əjdərov paytaxtın Sabunçu rayonu, Bakıxanov qəsəbəsindəki 72 saylı məktəb-lisey kompleksinin direktoru olub. O, bir-neçə ildir ürək xəstəliyindən əziyyət çəkirmiş. Direktor bu il martın 1-də səhhəti ilə bağlı öz ərizəsi ilə vəzifəsindən azad edilib və yaxın günlərdə ürək əməliyyatı keçirəcəkmiş. (Trend)

 

 

BIR ŞƏRH BURAXIN

Şərh yaz
Adınızı daxil edin